საზოგადოება
„ეს არის ნარკომოვაჭრეთა საერთაშორისო სინდიკატის მიერ ლობირებული კანონპროექტი... ამ საქმის ლობირებაში ნახევარი მილიონია გადახდილი“-ჯონდი ბაღათურია
„ეს არის ნარკომოვაჭრეთა საერთაშორისო სინდიკატის მიერ ლობირებული კანონპროექტი... ამ საქმის ლობირებაში ნახევარი მილიონია გადახდილი“-ჯონდი ბაღათურია

დიდი ჭინკობა, რომელიც ქვეყანაში ნარკოპოლიტიკის ე.წ. ლიბერალიზაციის მოტივით მიმდინარეობს, გადაუჭარბებლად შეიძლება ითქვას, მიზნად საქართველოს ნარკოდერეფნად ქცევას ისახავს. სულ რაღაც სამ ათეულ წელიწადში ორი მილიონით შემცირებულ ერს, გარე ძალებთან შეკრული შიდა მტერი საბოლოო განაჩენის გამოსატანად ამზადებს. ნარკოტიკებით და ლგბტ პროპაგანდით გაბრუებულ საზოგადოებას გილიოტინაზე ნებაყოფილობით არა მხოლოდ საკუთარი თავი, არამედ ქვეყნის არსებობა ააქვს. 

ვის აწყობს, საქართველოს ნარკოჰაბად ქცევა? რა საფრთხის შემცველია კანონპროექტი, რომლის გატანის სურვილი პარლამენტართა ერთ ნაწილს აქვს? რა თანხაა გადახდილი ნარკოპოლიტიკის ლიბერალიზაციის ლობირებაში? ვინ არიან ის დეპუტატები, ვინც  საქართველოში ნარკოტიკების უკანონო ბრუნვას უჭერს მხარს? ამ აქტუალურ საკითხებზე sazogadoeba.ge-„ქართული დასის“ ლიდერი ჯონდი ბაღათურია ესაუბრება:

-ბატონო ჯონდი, როგორ შეაფასებდით არასამთავრობო ორგანიზაციების მიერ აგორებულ კამპანიას, რომელიც ნარკოპოლიტიკის სრულ ლიბერალიზაციის ისახვს მიზნად და რას გვეტყვით კანონპროექტზე, რომლის გატანის სურვილიც პარლამენტართა ნაწილს აქვს?  

-ეს ახალი კამპანია, რომლის დასახელება “ნარკოტიკების ლიბერალიზაციაა“,  სინამდვილეში ნარკოტიკების უკანონო ბრუნვის ლეგალიზაციას გულისხმობს. ეს ნიშნავს ნარკოტიკების უკანონო იმპორტს, ექსპორტს, შეძენა-შენახვას, გავრცელებას, გადაგზავნას, საერთაშორისო ტრანზიტს, წარმოებას, პატარ-პატარა ფაბრიკების შექმნას, სადაც  მის დაფასოება მოხდება. ასეთ დანაშაულში მხილებულ პირი კანონპროექტის მიხედვით, სისხლის სამართლის პასუხისმგებლობისგან თავისუფლდება. ნაცვლად პატიმრობისა,  შემოდის ჯარიმები. მაგალითად, ადმინისტრაციული კოდექსის 45-ე მუხლში იგეგმება ცვლილება, რომლის მიხედვითაც, საქართველოში ჰეროინის, კოკაინის, სუბოტექსის და სხვა ნებისმიერი მძიმე ნარკოტიკის უკანონო იმპორტი, ექსპორტი, დაფასოება, გატანა ან საერთაშორისო ტრანზიტი ისჯება ჯარიმით 100 ლარამდე. როგორ მოგწონთ?

-რას ნიშნავს ეს, ბატონო ჯონდი, საქართველო  რეგიონში ნარკოტიკულ ჰაბად უნდა იქცეს?

-მე ვფიქრობ, ყველაზე ზუსტი სიტყვა შემაშველეთ, იგეგმება, რომ  საქართველო უკანონო ნარკოტიკების ბრუნვის ერთგვარ ჰაბად გადაიქცეს. საქართველო აზიისა და ევროპის  დამაკავშირებელია, ძალიან მოხერხებული გეოპოლიტიკური მდებარეობა აქვს. ამ კანონმდებლობის შემოტანაც სწორედ ამ  მიზნით არის განსაზღვრული.

იქ ბევრი სისულელე და დანაშაულებრივი რამ წერია, მაგრამ უფრო ნათელი რომ გახდეს, რასთან გვაქვს საქმე, მაგალითებს მოვიყვან სისხლის სამართლის კოდექსში შესატანი ცვლილებებიდან: სისხლის სამართლის კოდექსის 260-ე მუხლის პირველ ნაწილში, რომელიც ნარკოტიკების უკანონო ბრუნვას არეგულირებს  წერია, რომ პირი, რომელიც ნებისმიერი სახის ნარკოტიკის შეძენა-შენახვა-გადაზიდვა-გადაგზავნა-წარმოება- დამზადებაზე იქნება მხილებული, სისხლის სამართლის პასუხისმგებლობისგან თავისუფლდება და  ფულადი ჯარიმით ისჯება. წითელ შუქნიშანზე რომ გაიაროს ადამიანმა, ამაზე უფრო მძიმე ჯარიმაა, ვიდრე ნარკოტიკების შეძენა-შენახვა-გადაგზავნა-გადაზიდვა-წარმოება- დამზადებაზე.

სისიხლის სამართლის კოდექსის 260-ე მუხლის მეორე ნაწილი, რომელიც იგივე დანაშაულს ითვალისწინებს, ოღონდ, როდესაც უკვე დიდი ოდენობით ნარკოტიკთან  გვაქვს საქმე, ჯგუფურად, თანამდებობის ბოროტად გამოყენებით, არაერთგზის, ასევე თავისუფლდება სისხლის სამართლის პასუხისმგებლობისგან და ისჯება ფულადი ჯარიმით.

კიდევ ერთი, კანონპროექტის ავტორებმა ორად გაყვეს მუხლი, ჩათვალეს, რომ თუ ფულს არ იღებს, გავრცელება ნაკლები დანაშაულია და ამისთვის ცალკე მუხლი შეადგინეს. ამ შემთხვევაშიც სასჯელი ფულადი ჯარიმა იქნება.

-რატომ არის ნაკლები დანაშაული? ამ ლოგიკით, ქველმოქმედებაშიც შეიძლება ჩაითვალოს...  

-დიახ, მათი ლოგიკა ასეთია, თუმცა მე მიმაჩნია, რომ ნარკოტიკების გავრცელება ფულადი ანაზღაურების გარეშე, უფრო ბოროტი განზრახვით შეიძლება მოხდეს, ვიდრე  ჯიბის გასქელებაა. ეს ახალგაზრდა თაობის მიზანმიმართული მოსპობაა.

ასევე, სისხლის სამართლის კოდექსში გეგმავენ ცვლილებებს, რომლის მიხედვითაც ნარკოტიკებით ვაჭრობა, რომელიც დღეს უვადო პატიმრობასაც ითვალისწინებს, დასჯადი იყოს 3-დან 7 წლამდე თავისუფლების აღკვეთით. ახლა ვსვამ კითხვას, ეს კანონპროექტი, რომელსაც „ჰუმანურ ნარკოპოლიტიკას“ ეძახიან, ნარკომომხმარებელზეა ორიენტირებული, თუ ნარკომოვაჭრეზე?

ძალიან ღიად ჩანს, რომ პარლამენტის წევრები, არასამთავრობო ორგანიზაციები, ზოგი უცოდინრობით, ზოგი ცოდნით, აშკარად და პიდაპირ ლობირებენ ნარკოტიკების უკანონო ბრუნვის, შეძენა-შენახვა-გადაგზავნის, საერთაშორისო ტრანზიტის, იმპორტ-ექსპორტის და გავრცელების მექანიზაციას. მათ ნარკომოვაჭრეთა ბრბოსთან ერთად შეძლეს და აიყოლიეს ახალგაზრდები, რომელთაც ნარკოტიკების მოხმარების სურვილი აქვთ, რადგან არ ესმით ის მძიმე შედეგები, რაც ამის შემდეგ დგება.

-ვინ არიან ამ კანონპროექტის ავტორები? ვინ ლობირებს და უჭერს მხარს ამ პროცესს? ყველა მათგანის სახელი და გვარი უნდა იცოდეს ქართულმა საზოგადოებამ...

-ამ კანონპროქეტს ხელს აწერეს ხუთი პარლამენტარი. ესენი არიან, ჯანდაცვის კომიტეტის თავმჯდომარე აკაკი ზოიძე, ასევე ლევან კობერიძე, დიმიტრი ცქიტიშვილი, სოფიო ქაცარვა და ირინა ფრუიძე. თუმცა, პირდაპრ შემიძლია გითხრათ, რომ ეს კანონპროექტი მათი დაწერილი არ არის,  ფორმალურად არსამთავრობო ორგანიზაციის შექმნილია, მაგრამ უნდა გითხრათ, რომ ეს არის ნარკომოვაჭრეების მიერ დაწერილი კანონპროექტი. როცა ამის განხილვა დაიწყეს, პირდაპირ და ღიად ეწერა, რომ ნარკოტიკებით ვაჭრობაც დაშვებულია, ახლა ხომ სასჯელის შემსუბუქებას ითვალისწინებს, უვადოდ პატიმრობის ნაცვლად 3დან 7 წლამდე უნდათ შემოიტანონ, მანამდე, პირვანდელ ვარინატში კი  ეწერა, რომ მცირეოდენი ნარკოტიკით ვაჭრობა დაშვებულია.  ერთ-ერთ ნარკომომხმარებელს, თუ ნარკომოვაჭრეს  წამოსცდა კიდეც და კომიტეტის სხდომაზე წამომაძახა, მცირეოდენი ნარკოტიკით ვაჭრობა  გვქონდა ჩადებული და თქვენი და თქვენნაირების გამო ამოვიღეთო, ანუ, მისი ჭკუით მე მადლიერი უნდა ვყოფილიყავი. არ ვიცი ის ნარკომომხმარებელი იყო, თუ მოვაჭრე, ძალიან ბევრი, ვინც ნარკოტიკებს მოიხმარს,  ვაჭრობს კიდეც და ბევრი ნარკომოვაჭრე თვითონაც მომხმარებელია. თუმცა, იქ ისეთი ახალგაზრდებიც არიან, რომლებიც ფეხის ხმას ჰყვებიან.  

ამ ხალხმა ახლა სხვადასხვანაირი სახელი დაირქვა, ზოგს ნარკომომხმარებელთა თემი ჰქვია, ზოგს- ასოციაცია და ა. შ. ესენი პირდაპირ ფინანსდებიან ნარკოტიკების შეძენა-შენახვა-გადაგზავნა- გავრცელების და უკანონო საერთაშორისო ტრანზიტის ლობირებისთვის.

ღირსეულ სახელმწიფოში სისხლის სამართლის საქმე უკვე აღძრული უნდა იყოს და ყველა ეს ლობისტი პირი აყვანილი. მე იმდენი ინფორმაცია გამაჩნია, თავისუფლად შეიძლებოდა დაახლოებით 4-5 პირის (შეიძლება 7-8-დეც ავიდეს) მხილება იმაში, რომ ამ საქმის ლობირებაში მათ ფული აქვთ აღებული. მაქვს ინფორმაცია და ერთ-ერთი ფულის გადამხდელის მხილებაც შემიძლია. ძალიან დიდი დაკვირვების ქვეშ უნდა იყოს ალბათ პარლამენტის ყველა  წევრი, ვინც მომხრეა, განსაკუთრებით, ისინი, ვინც ამ კანონპროექტს ლობირებს.

არაფერს გამოვრიცხავ, მაგრამ მე ვერ ვიტყვი, რომ აკაკი ზოიძეს და ლევან კობერიძეს ამაში ფული აქვთ აღებული, ასე არ ვფიქრობ. მინდა მჯეროდეს, რომ რაღაც ეშლებათ. ამას მაფიქრებინებს ის, რომ პირველი ძალიან მწვავე დაპირისპირების შემდეგ ისინი კონსტრუქციულები გახდნენ.  თავიდან კი ამ კანონპროექტის გატანას მთელი მონდომებით ცდილობდნენ.

-საზოგადოების წინააღმდეგობის გამო გახდნენ კონსტრუქციულები?

-სავსებით შესაძლებელია, ვერ გეტყვით. მე არ ვამბობ, რომ მათ ფული აქვთ აღებული, მაგრამ ზოგადად, პარლამენტში ყველაზე ბინძური ფულის სუნი რომ დადგა, ეს ძალიან აშკარაა.

-თუ დაგიკავშირდათ ვინმე სამართალდამცავი უწყებებიდან?

-ძალიან მიკვირს, რომ აქამდე არც უსაფრთხოების მინისტრი დამკავშირებია და არც არავინ. მე ვამბობ, რომ ამ პროექეტის ლობირებაში ფულია გადახდილი. სრულ თანხაზე და ყველა პირზე ინფორმაცია არ მაქვს, მაგრამ მაქვს ინფორმაცია, რომ ამ საქმის ლობირებაში ნახევარი მილიონია გადახდილი, სახელებით და გვარებით შემიძლია ვილაპარაკო.

-ეს ძალიან სენსაციური განცხადებაა...

-გეთანხმებით, სენსაციურია, სამარცხვინოა, რომ ასეთ მდგომარეობაში ვართ. დამთავრებული არ უნდა გვქონდეს ლაპარაკი, ვიღაც უნდა მირეკავდეს და მთხოვდეს ინფორმაციას. მე შემიძლია ახლაც სახელები და გვარები დავასახელო, მაგრამ ეს რას მოგვცემს? ნაკვალევის ჩაფარცხვა დაიწყება. ამიტომ, ვფიქრობ, აუცილებელია უსაფრთხოების სამსახურის ჩართვა. მე პატივისცემით ვარ განწყობილი გომელაურის მიმართ, ამას გულწრფელად გეუბნებით, მაგრამ ძალიან მიკვირს, რომ არავინ მიკავშირდება.

-აქ ალბათ საერთაშორისო ნარკომაფიაა ჩართული და შესაძლოა, რომ უსუსურობაც იყოს ჩვენი უშიშროების და სხვა სტრუქტურების?

-შორენა, ყურადღება მიაქციეთ, აი, თქვენ ახსენეთ საერთაშორისო მაფია, მე პირდაპირ, სრული დარწმუნებით შემიძლია ვთქვა, რომ ეს არის ნარკომოვაჭრეთა საერთაშორისო სინდიკატის მიერ ლობირებული კანონპროექტი. აქ რომ ვინმეს ნარკომომხმარებელზე ეზრუნა, რომელსაც შველა ჭირდება, სულ არ გაახსენდებოდა საქართველოში ნარკოტიკების უკანონო იმპორტი, ექსპორტი და საერთაშორისო ტრანზიტი. რა შუაშია ეს? რატომ გაახსენდათ კანონპროქეტის ავტორებს ნარკოტიკების საერთაშორისო ტრანზიტზე, შემოტა-გატანაზე უვადო პატიმრობის ნაცვალად 100-ლარიანი ჯარიმის დაწესება? ან ნარკოტიკებით ვაჭრობაზე რატომ უნდათ უვადო პატიმრობის შემცირება 3-დან 7 წლამდე? ვსვამ ამ შეკითხვას. ძალიან თეთრი ძაფით ნაკერია. აი, პრეზიდენტიც იძახის, რომ ნარკოტიკების მომხმარებელი არ უნდა დავიჭიროთ. კი, ბატონო, მოხმარებისთვის არ უნდა იჭერდნენ, ეს პირველად მე ვთქვი, 2008 წელს და ნარკოპოლიტიკის რეფორმაზე კანონპროექტიც კი შევიტანე, მაშინ ეს ხალხი ზოგი რეპრესიის მომხრე იყო, ზოგი სოროში იყო შემძვრალი, მაგრამ ერთია ნარკოდამოკიდებული ადამიანი, რომელსაც განკურნებაში ვეხმარებით  და მეორეა, „კაიფის“ უფლების დაკანონება და ნარკოტიკების ბრუნვის და ვაჭრობის დაშვება.

-კი, იძახიან, რომ პატიმრობა არ არის გამოსავალი, მაგრამ იქიდან გამომდინარე, რომ ციხეში  ნარკოტიკზე ხელი არ მიუწვდებათ, განკურნებულები გამოსულან, ასეთი არაერთი ფაქტი არსებობს. ესეც ხომ ერთგვარი იძულებითი მკურნალობაა?

-ფაქტებიც არსებობს კი არა, სტატისტისკის მიხედვით,  99% ნარკოდამოკიდებული პირების რემისია იწყება მაშინ, როდესაც ისინი იზოლირებულნი არიან. ეს იმდენად მძიმე დაავადებაა, რომ მისი შეგონებით  განკურნება ძალიან რთულია. 99%-ში  არმოხმარება იწყება მაშინ, როცა ის იზოლირებულია და ნარკოტიკზე ხელი არ მიუწვდება, ეს ნამდვილად ასეა.

ჩვენ ვამბობთ, რომ პირი, რომელიც ამით დაავადდა, არ დავიჭიროთ, მაგრამ დავუწესოთ რეგულაციები. გარწმუნებთ, ეს რეგულაციები ნარკოტიკებით დაავადებული ადამიანების განკურნების ალბათობას გაზრდის. ზოგს არც უნდა, რომ განიკურნოს, მაგრამ ვისაც განკურნება სურს, მას ამის შანსი ექნება. პარალელურად, კანონი უნდა მკაცრდებოდეს არა მხოლოდ მოვაჭრეებზე, არამედ იმ პირებზეც, რომლებიც სხვადასხვა ბოროტი მიზნით ავრცელებენ ნარკოტიკს, ითრევენ მეზობელს, მეგობარს, ნათესავს და მერე მათი ოჯახიდან გამოტანილი ფულით სარგებლობენ. ახალგაზრდების ჩართვა ნარკოდანაშაულში ხშირ შემთხვევაში სხვა მიზეზებითაც ხდება, მათ პოლიტიკური და ეკონომიკური მიზნებისთვისაც იყენებენ.

-ამ კანონპროექტის და ზოგადად პროცესის ასეთი გაშმაგებული ლობირება მხოლოდ ფინანსებს უკავშირდება?  ეჭვი ჩნდება იმასთან დაკავშირებითაც, რომ ქვეყნის წინააღმდეგ რაღაც შეთქმულება არსებობს...

-ჩვენ რას ვხედავთ? რის ლობირება მიდის ძირითადად ეკრანზე და საინფორმაციო ველში?  90% საინფორმაციო სივრცეში ადამიანის უფლებათა კონტქსტში ლგბტ პროპაგანდას უჭირავს. კაცმა რომ კაცი მოიყვანა ცოლად, ქალად რომ გადაკეთდა, ნაკაცარი და რაღაც უბედურება რომაა, ამათ უფლებებს და ნარკოტიკების უკანონო ბრუნვას მთელი საინფორმაციო სივრცე ეთმობა. დიდი ჭკუა არ ჭირდება იმის მიხვედრას, რომ ნარკოტიკებით გაბრუებული ერი, რომელსაც თავზე კაცად დაბადებული, მერე ქალად გადაკეთებული ნაკაცრები და მათი უფლებადამცველები აზიან, ვეღარც მომავალს შექმნის, ვერც სახელმწიფოს შეინარჩუნებს. ამას რისთვის აკეთებენ, მე ამის ფილოსოფიურ განხილვაში არ შევალ, მაგრამ პოლიტიკურად  და სამართლებრივად ვამბობ, რომ ეს არის დანაშაული ერის და სახელმწიფოს წინაშე. ეს კეთდება იმისათვის, რომ საქართველო დარჩეს ქართველების გარეშე. ტყე და ბუნება გადასარევი გვაქვს, ყველას უნდა საქართველო, ოღონდ ქართველები არ უყვართ იმ ადამიანებს, რომლებიც ცხოვრების ამ წესს ამკვიდრებენ.

-შეერთებული შტატების პრეზიდენტმა რამდენიმე დღის წინ სიტყვით გამოსვლისას განაცხადა, რომ ნარკოპოლიტიკა უნდა გამკაცრდეს. საზოგადოებაში ხშირია საუბარი იმაზე, რომ ხელისუფლება მძიმე ზეწოლის ქვეშაა, მაგრამ, როდესაც დასავლეთიდან ამ ტიპის გზავნილი მოდის, მაშინ რა ზეწოლაზე შეიძლება იყოს საუბარი?

-იცით რა არის, ხელისუფლებას ზეწოლა ყოველთვის ექნება დასავლეთისდანაც და აღმოსავლეთიდანაც, მაგრამ ჯერ ერთი, უნდა უძლებდე ზეწოლას და რაც ქვეყნისთვის სასარგებლო არ არის, ხალხს უნდა ააცილო, მეხამრიდი უნდა იყო. მეორეც, ბევრ სხვა თემებზეც მიდის ზეწოლა, მაგრამ როდესაც მათ ჭირდებათ, მაშინ თავისი კარგად გააქვთ. მაგალითად, საკონსტიტუციო ცვლილებებზე ძალიან ბევრი ყვირილი იყო, მაგრამ გაიტანეს, იმიტომ, რომ ასე უნდოდათ. ჩვენ ხომ ვნახეთ, რა გაიტანეს, პარტია, რომელსაც 25-30%  აქვს აღებული, მანდატების 80%-ს  უნდა ფლობდეს. ეს ჩაწერეს კანონში და ახლა ამ კანონპროექტის ლობირებისას, რატომ არ შეისმინეს ასე კარგად დასვლეთის?

- როდესაც შეერთებული შტატების პრეზიდენტი ნარკოპოლიტიკის, განსაკუთრებით კი ნარკორეალიზატორების შესახებ კანონის გამკაცრების ინიციატივით გამოდის და ამერიკა ნომერ პირველ პარტნიორად გყავს წარმოდგებნილი, ამის გამოუყენებლობა ხელისუფლების მხრიდან არის თუ არა დანაშაული?

-ამის გამოყენება შეიძლება იმ შემთხვევაში, თუ თვითონაც ასე ფიქრობს. თუმცა, უნდა გითხრათ, რომ ტრამპი სიტუაციას ჯერჯერობით თავისსავე ქვეყანაშიც ვერ აკონტროლებს. მართალია, სხვადასხვა სეგმენტში ტრამპმა კონტროლი ხელში აიღო, მაგრამ ისტებლიშმენტი, რომელიც მას დახვდა, ბევრ პროცესს მართავს. იმედი მაქვს, რომ ტრამპი ჯერ თავისი ქვეყნის და მერე გარეთ გაგზავნილი დიპლომატების კონტროლს მალე შეძლებს. დიპლომატების ჩანაცვლება ჯერჯერობით არ მომხდარა, ესენი ინერციით ისევ ძველ კურსს  აგრძელებენ. სხვათაშორის, აქამდე იყო განცდა, რომ ტრამპს დღეს არა, ხვალ ააყირავებდნენ და იმპიჩმენტს მოუწყობდნენ. ეს სურვილები შეერთებულ შტატებში დღესაც აქვს ზოგიერთს, მაგრამ ეკონომიკურ პოლიტიკაში ტრამპი აშკარად წარმატებული აღმოჩნდა. მისი მოსვლის შემდეგ სამმილიონანხევარი სამუშაო ადგილი შეიქმნა. არის პროგნოზი, რომ სადღაც შემოდგომაზე ტრამპის პოზიციები ძალიან გაძლიერედება და მისი რეიტინგი აიწევს. შესაბამისად, მე ვფიქრობ, რომ ის ამ მომენტისთვის თავისი ხაზის გატარებას უკვე შეძლებს.  როცა ტრამპი აირჩიეს თქვა, რომ დამთავრდა ეპოქა, როდესაც შეერთებული შტატები თავის ცხოვრების წესს  სხვა სახელმწიფოებს თავზე ახვევდა.

კიჟინა, რასაც ჩვენ ვისმენთ, რომ ნარკოტიკების მოხმარება ცუდი სულაც არ არის, ინერციით გრძელდება. ახლაც ერთ-ერთ არხზე გადიოდა გადაცემა, რომ ნარკოტიკი თურმე კიბოს კურნავს. მე არ ვიცი, ამ არხის მეპატრონე რას ფიქრობს, ან მისი მენეჯმენტი და სინდისი როგორ აწუხებთ, მაგრამ ჩვენთვის ხომ ადვილი მისახვედრია, ეს ქარი საიდან ქრის.  კი, ქარი ნამდვილად ქრის დასავლეთიდან, მაგრამ აქ, ქვეყნის შიგნით, პოლიტიკურ ელიტაში და არა მხოლოდ ხელისუფლებაში, ნამდვილად არიან ადამიანები, რომლებიც ნარკოტიკებით ხელის მოთბობას ცდილობენ. სხვათაშორის, უნდა ითქვას, რომ „ქართულ ოცნებაში“ ამ საკითხზე ძალიან დიდი აზრთა სხვადასხვაობაა. უმრავლესობის ნახევარზე მეტი ამ კანონპროექტს მხარს არ უჭერს.

ხაზი მინდა გავუსვა იმასაც, რომ თუ ვინმე კაცი და ქართველი ყოფილა, დიმიტრი ხუნდაძე და გიორგი გახარია ყოფილან. ისინი არ დაელოდნენ, იქ, ზემოთ საქმე როგორ გადაწყდებოდა  და გასაგებად თქვეს, კი, ბატონო, მზად ვართ მომხმარებელი ციხეში არ ლპებოდეს, მაგრამ გამსაღებლებზე კანონი უნდა გამკაცრდესო. ამიტომ ამ ადამიანებმა პატივისცემა და საზოგადოების მხარდაჭერა დაიმსახურეს.

„ოცნების“ მეორე ნახევარს, რომელიც ამ კანონონპროექტის მომხრეა, მხარს „ნაციონალური მოძრაობა“ და ბოკერიას გუნდი უჭერს. ჯამში ესენი 50%-ს უახლოვდებიან, ამიტომ არსებობს საფრთხე იმისა, რომ კანონპროექტი ძალით გაათრიონ, თუ პრემიერმინისტრი აქტიურად არ ჩაერია. მე ვფიქრობ, მისი ავტორიტეტი ამას ეყოფა, ივანიშვილმაც ხმა უნდა ამოიღოს, თორემ ურთულესი ვითარებაა. ძალიან ივაჟკაცა გახარიამ და ძალიან ივაჟკაცა ხუნადაძემ და ეს კანონპროექტი ახლა შეჩერებულია. დიდი მადლობა გვერდში დგომისთვის ქართულ საზოგადოებას.

-რაიმე მოძრაობები თუ შეინიშნება ახლა ამ მიმართულებით?

-გაყინულია, მაგრამ მოძრაობა კულუარებში მიდის, ხალხის მიგზავნ-მოგზავნა, ვიღაცის გადაბირება, გადარწმუნება, ჩემთანაც ცდილობენ ვიღაცეები დალაპარაკებას. ჩვენ უნდა მოვილაპარაკოთ, რომ ნარკოტიკების მომხმარებელი არ დავიჭეროთ, მაგრამ გამავრცელებელი უვადო პატიმრობით უნდა ისჯებოდეს.

45 აბი სუბოტექსი პირადი მოხმარებისთვის მქონდაო, ვინმე თუ იტყვის, მე არ დავიჯერებ.  თუ  დაუმტკიცდა, რომ გასაღებისთვის ჰქონდა, დაუსჯელი ვერ დარჩება.

მე არ ვიცი მსახიობ ბახალას ჩაუდეს თუ არა, ამ კაცს საერთოდ არ ვიცნობ. თუ ჩაუდეს, პირველი ვიქნები, ვინც მის გათავისუფლებას მხარს დაუჭერს, ოღონდ უნდა დამარწმუნონ ამაში, მაგრამ თუ არ ჩაუდეს, 45 აბისთვის 8 წელი მინიმალური სასჯელია, რადგან დღევანდელი კანონმდებლობით სასჯელი 8 წლიდან იწყება და 20 წლამდე ადის. თუ მართლა ჰქონდა, კიდევ ძალიან გაუმართლა რბილი მოსამართლის გამო.

-ცნობილმა პოეტმა და საზოგადო მოღვაწემ, ბატონმა რეზო ამაშუკელმა ნარკოტიკების ე.წ. ლიბერალიზაციის საკითხი შეაფასა, როგორც ბოლო ყულფი ქართველი ერის კისერზე. ხომ არ ფიქრობთ, რომ ეს მართლაც ის საკითხია, რომლის იქით უკან დასახევი უკვე აღარ არსებობს?

-სავსებით ვეთანხმები ამ ფრაზასაც და ბატონ რეზო ამაშუკელსაც. დიახ, აქ უკან დახევა არაფრით არ შეიძლება. გახსოვთ 90-იანი წლები? გახსოვთ, ყველა სადარბაზო შპრიცებით როგორ იყო გამოვსებული? იცით, თქვენ, რომ სადარბაზოებში შპრიცები ისევ ყრია? ამის შემობრუნება გვინდა ჩვენ?

-ხომ არ თვლით, რომ ამ საკითხზე  საერთო ეროვნული კონსოლიდაცია უნდა მოხდეს და  კონსესუსი უნდა შედგეს?

-აუცილებლად უნდა მოხდეს კონსოლიდაცია, პირდაპირ გეტყვით, ჩვენ ვმოძრაობთ და ძალის დემონსტრირებას ვცდილობთ. ძალაში ქვების სროლას არ ვგულისხმობ, ვგულისხმობ ჩვენი ქვეყნის გახრწნის წინააღმდეგ ქართული საზოგადოების რაოდენობრივ კონსოლიდაციას. ეს იქნება ქართული საზოგადოების მიერ ორგანიზებული პირველი გამაფრთხილებელი აქცია, სადაც იქნება ყველა, ერი და ბერი.  ხელისუფლებას და გარე ძალებს შევატყობინებთ, რომ ამ ქვეყნის ბატონ-პატრონი ჩვენ ვართ. ნარკოტიკებით გაბრუებას  და ჩვენთვის მიუღებელი ცხოვრების წესის თავსმოხვევას არ დავუშვებთ. ჩვენ  მწვავე მოქმედებებისთვისაც მზად ვართ.

-იმედი გაქვთ, რომ თავს ვერ მოგვახვევევნ?

-თუ აქტიურობა იქნება, ვერ შეძლებენ. „ქართულ ოცნებაში“ მოკავშირეებიც არიან, მათი კაცობის იმედიც მაქვს. ჩვენი მთავარი „ინსტრუმენტი“  ხუნდაძის და გახარიას მაგვარი ადამიანები არიან. თუმცა, იმისათვის, რომ  გარანტირებული ვიყოთ და თუნდაც ხუნდაძის და გახარიას მაგვარი ადამიანები თავს მყარად და მხარდაჭერილად გრძნობდნენ,  ქართული საზოგადოების კონსოლიდაცია ძალიან მნიშვნელოვანი და აუცილებელია.