სტატიები
ვის ინტერესებშია ეკლესიის ავტორიტეტის შელახვა?
ვის ინტერესებშია ეკლესიის ავტორიტეტის შელახვა?

17 მაისის აქციებთან დაკავშირებით ორ სასულიერო პირს მამა ანთიმოზ ბიჩინაშვილსა და მამა იოთამ ბასილაიას ბრალი წაუყენეს. გამოძიება შეკრებისა და მანიფესტაციის უფლების ხელყოფის ფაქტზე მიმდინარეობს. ჯერჯერობით არცერთი სასულიერო პირი დაკავებული არაა. საქართველოს კანონმდებლობით ბრალდებულებს ორ წლამდე თავისუფლების შეზღუდვა ან გირაო ემუქრებათ.საპატრიარქო ემიჯნება ძალადობას, ქრისტიანული თავმდაბლობის მაგალთს კიდევ ერთხელ იძლევა, თუმცა აქვე უსვამს ხაზს, რომ „იდენტობის“ მიერ გამართულ აქციას პროვოკაციული ხასიათი ჰქონდა.

პაატა კოღუაშვილი: "ბიძინა ივანიშვილი ვერ გაწვდება ყოველ სეტყვას, ყოველ სტიქიურ უბედურებას, ამიტომ სისტემაა შესაქმნელი"
პაატა კოღუაშვილი: "ბიძინა ივანიშვილი ვერ გაწვდება ყოველ სეტყვას, ყოველ სტიქიურ უბედურებას, ამიტომ სისტემაა შესაქმნელი"

,, არ ვიცი, ნამყოფია თუ არა შალვა ფიფია სოფელში და აქვს თუ არა ფეხი ჩაყოფილი ფუნაში, არ ვიცნობ მას, თუმცა როგორც მითხრეს, ფინანსისტია. ეს არაფერს ნიშნავს, სოფლის მეურნეობას სხვა ფინანსური პრობლემები აქვს. მისი დანიშვნა არის კიდევ ერთი ექსპერიმენტი, რომელიც არ მიგვიყვანს სასურველ შედეგამდე. გინდა თუ არა მინისტრი პოლიტიკოსი უნდა იყოსო ამბობენ, რა თქმა უნდა, მას უნდა ჰქონდეს რაღაც უნარები, გამოცდილებები და ცოდნა, მაგრამ მან აუცილებლად უნდა იცოდეს დარგი, მისი სპეციფიკა და მისი თავისებურებები."

amfAR Gala 2013
amfAR Gala 2013

გუშინ კანის ფესტივალის მიმდინარეობისას ყოველწლიური საზეიმო ვახშამი AmFar-ი გაიმართა. წითელი ხალიჩა ცნობილი სახეებით ბრწყინავდა. ვარსკვლავები CR Fashion Book-ის მთავარი რედაქტორის კარინ როიტფელდის მიერ ორგანიზებულ ჩვენებაზე დასასწრებად მოვიდნენ, რომელიც ელიზაბეტ ტეილორს მიეძღვნა.

დი კაპრიო პლანეტიდან მიემგზავრება
დი კაპრიო პლანეტიდან მიემგზავრება

ლეონარდო დიკაპრიო კოსმოსში იმოგზაურებს. ჰოლივუდის ცნობილი ვარსკვლავი კოსმოსში კომპანია Vიგინ Gალაცტიც-ის მიერ წარმოებული სუბორბიტალური ხომალდით გაფრინდება. მასთან ერთად კოსმოსში კიდევ ერთი ტურისტი, მონაკოში მცხოვრები რუსი ბიზნესმენი ვასილი კლიუკინი გაემგზავრებმა, რომელმაც საგზური კანის კინოფესტივალზე გამართულ საქველმოქმედო აუქციონზე 1,5 მლნ დოლარად შეიძინა. სპეციალური მომზადების კურსს დიკაპრიო და კლიუკინი ნიუ-მექსიკოში გაივლიან.

ტაჯიკეთის ხელისუფლებამ ვიდეოჰოსტინგ Youtube-ს რესურსები  დაბლოკა
ტაჯიკეთის ხელისუფლებამ ვიდეოჰოსტინგ Youtube-ს რესურსები დაბლოკა

ტაჯიკეთში Youtube დაბლოკეს. 23-ი მაისიდან პოპულარული ვიდეოჰოსტინგის რესურსები ადგილობრივი ინტერნეტ-პროვაიდერებისთვის მიუწვდომელი გახდა. ტაჯიკეთის ინტერნეტ-პოვაიდერთა განმარტებით, Youtube კავშირგაბმულობის სამინისტროს განკარგულებით დაიბლოკა. ოფიციალურ დუშანბეს მომხდართან დაკავშირებით კომენტარი ჯერ არ გაუკეთებია.

ვულიჩის ტერაქტი
ვულიჩის ტერაქტი

სქოთლანდ იარდმა ვულიჩში მომხდარ თავდასხმაში ეჭვმიტანილი კიდევ ორი ადამიანი დააპატიმრა. დაკავებულია ახალგაზრდა მამაკაცი და ქალი, რომლებიც ბრიტანელი სამხედრო მოსამსახურის მკვლელობისთვის იძებნებოდნენ. ამჟამად პოლიციას მკვლელობაში ეჭვმიტანილი 6 პიროვნება ჰყავს დაკავებული. თავდასხმა 25 წლის ლი რიგბიზე ვულიჩში 21 მაისს განხორციელდა. ახალგაზრდა სამხედრო მოსამსახურეს თავს დღისით, ქალაქის ცენტრალურ მოედანზე დაესხნენ და დანით სასიკვდილო ჭრილობები მიაყენეს.

ქრისტინა ლეგარდი დაკითხეს
ქრისტინა ლეგარდი დაკითხეს

საერთაშორისო სავალუტო ფონდის ხელმძღვანელს პრობლემები აქვს. ქრისტინა ლეგარდს საფრანგეთის ეკონომიკის მინისტრად მუშაობის პერიოდში სამსახურებრივი უფლებამოსილების გადამეტებაში ადანაშაულებენ. საუბარია 1993 წელს ნიკოლა სარკოზის ახლობელი ბიზნესმენისა და პოლიტიკოსის, ბერნარ ტაპისთვის კომპანია ადიდასის მიყიდვაზე, რისთვისაც სპეციალურად ახალი კონსორციუმი შეიქმნა. მოგვიანებით ადიდასის ახალმა მფლობელმა პარტნიორი კონსორციუმი ფინანსურ მაქინაციებში დაადანაშაულა და ზარალის ანაზღაურება მოითხოვა.

ნულანდს ქერის თანაშემწედ ნიშნავენ
ნულანდს ქერის თანაშემწედ ნიშნავენ

ვიქტორია ნულანდი შესაძლოა ჯონ ქერის მრჩევლად დაინიშნოს. მისი კანდიდატურა პრეზიდენტმა ობამამ ევროპისა და ევრაზიის საკითხებში სახელმწიფო მდივნის თანაშემწის თანამდებობაზე წარადგინა. მანამდე კი ნულანდი სახელმწიფო დეპარტამენტის პრეს-მდივნის პოსტს იკავებდა. გასულ კვირას მისმა სახელმა კონგრესის საკომიტეტო მოსმენაზეც გაიჟღერა. რესპუბლიკელებმა სახელმწიფო დეპარტამენტის წარმომადგენელი ბენგაზის ტრაგედიის შესახებ სიმართლის დამალვაში დაადანაშაულეს.

ჯონ ქერი საქართველოს დამოუკიდებლობის დღეს ულოცავს
ჯონ ქერი საქართველოს დამოუკიდებლობის დღეს ულოცავს

საქართველოს დამოუკიდებლობის დღეს ვაშინგტონიც ულოცავს. საგანგებო განცხადება ამერიკის სახელმწიფო მდივანმა გააკეთა. ჯონ ქერი ყურადღებას ორ ქვეყანას შორის არსებულ პარტნიორულ ურთიერთობაზე ამახვილებს, რაც მისი თქმით, საერთო ღირებულებებსა და ინტერესებს ემყარება. “შეერთებული შტატები მხარს უჭერს საქართველოს ტერიტორიულ მთლიანობას და განაგრძობს ქვეყანაში დემოკრატიის გაძლიერების მხარდაჭერას.”-ნათქვამია წერილში. ქერი მხარდაჭერას უცხადებს საქართველოს ევროინტეგრაციის პროცესშიც და მადლობას უხდის საქართველოს ავღანეთის სამშვიდობო მისიაში შეტანილი წვლილისთვის.

სამართლიანობის აღდგენა, პოლიტიკური დევნა თუ საზოგადოების დაკვეთა - ვინ იქნება შემდეგი?
სამართლიანობის აღდგენა, პოლიტიკური დევნა თუ საზოგადოების დაკვეთა - ვინ იქნება შემდეგი?

ვარდების რევოლუციის შემდგომ განხორციელებული მასობრივი დაჭერები „ნაციონალებს“ უკან მოუბრუნდათ. რეჟიმის გასამართლებას ორივე შემთხვევაში საზოგადოების დაკვეთად მიიჩნევდნენ, ხელისუფლების თქმით, ეს დემოკრატიული საზოგადოების შენების აუცილებელი პირობა იყო. თუმცა, მოქმედი ხელისუფლების წარმომადგენლები დაჭერების სერიებს პოლიტიკურ ანგარიშსწორებად არასოდეს აფასებდნენ.

როგორ აღმოჩნდა გიორგი გაბედავა,  ჯონდი ბაღათურია და ა.შ.  „ხელის მოწერის“ გარეშე  პეტიციის ხელმომწერთა სიაში
როგორ აღმოჩნდა გიორგი გაბედავა, ჯონდი ბაღათურია და ა.შ. „ხელის მოწერის“ გარეშე პეტიციის ხელმომწერთა სიაში

24 მაისს „დედაენის ბაღში“ დაგეგმილი აქციის „არა თეოკრატიას“ პარალელურად აქციის გამართვას „ეროვნული ფრონტიც“ გეგმავს. არის რეალური საშიშროება, რომ ერთსა და იმავე სივრცეში ერთმანეთისგან სრულიად განსხვავებული მოსაზრებების მქონე მოქალაქეთა ჯგუფის შეკრება ისევ ფიზიკურ შეხლა-შემოხლით დასრულდეს. ონლაინ პეტიციის ხელმომწერთა რიცხვი, რომელიც „არა თეოკრატიის“ აქციის ორგანიზატორებმა მოამზადეს, 1500 აღწევს და აქციაზეც 2000მდე ადამიანს ელოდებიან. ყოფილი პოლიტმატიმარი გიორგი გაბედავა აქციაზე იმის გასარკვევად მიდის, თუ რატომ ჩაწერეს პეტიციაში მისი და კიდევ იმ რამდენიმე ადამიანის გვარი, რომლებიც, რეალურად ამ პეტიაციას არ ეთანხმებიან. მისი თქმით, ონლაინ პეტიციის ხელმომწერთა რიცხვი ხელოვნურადაა გაზრდილი.

თენგიზ ფხალაძე: "მარტენსის მოსაზრება მარტენსის მოსაზრებაა და მე მას არ ვიზიარებ"
თენგიზ ფხალაძე: "მარტენსის მოსაზრება მარტენსის მოსაზრებაა და მე მას არ ვიზიარებ"

მერაბიშვილ-ჭიაბერაშვილის ირგვლივ ბოლო დროს განვითარებულმა მოვლენებმა ევროპას ახალი "შეშფოთების" საბაბი მისცა. ხელისუფლების მხრიდან "სამართლიანობის აღდგენის სურვილი" ქვეყნის ფარგლებს გარეთ გარკვეულ პოლიტიკური წრეებში ოპოზიციის განადგურების მცდელობად შეფასდა. „ევროპის სახალხო პარტიის“ ლიდერმა, ვილფრედ მარტენსმა, შთაბეჭდილებების გაზიარების პარალელურად, ევროპულ ინსტიტუტებს სასამართლო პროცესების მონიტორინგისკენ მოუწოდა.

300 ბავშვის უსაფუძვლო სიკვდილის თავიდან აცილება შესაძლებელია
300 ბავშვის უსაფუძვლო სიკვდილის თავიდან აცილება შესაძლებელია

ჯანდაცვის სამინისტროს ახალმა ხელმძღვანელობამ რამდენიმე წლის წინ გაუქმებული დედათა და ბავშვთა სიკვდილიანობის შემსწავლელი კომისია აღადგინა, რომელსაც დედათა და ბავშვთა სიკვდილის გამომწვევი ცალკეული შემთხვევების შესწავლა დაევალა. ბოლო კვლევის თანახმად, რომელიც UNICEF-მა სხვა დონორ ორგანიზაციებთან ერთად ჩაატარა, მნიშვნელოვნად იკლო ჩვილ ბავშვთა სიკვდილიანობის ფაქტებმა: 41.6 შემთხვევა ყოველ 1,000 ცოცხლად შობილზე - 1999 წელს, 21.1 შემთხვევა - 2005 წელს და 14.1 შემთხვევა - 2010 წელს. იგივე ტენდენციაა 5 წლამდე ასაკის ბავშვთა სიკვილიანობის კუთხითაც.

"საშიში" წნევა
"საშიში" წნევა

ეს "არაფერია, გამივლის" შეიძლება სერიოზულ პრობლემად იქცეს. საქართველოს ბოლოდროინდელ სტატისტიკურ მონაცემებს თუ გადავხედავთ, მივხვდებით, რომ საქართველოს მოსახლეობის ავადობის და სიკვდილიანობის ერთ-ერთი განმაპირობებელი მიზეზი სწორედ რომ ეს ვითომ უმნიშვნელო პრობლემა, ანუ მაღალი წნევებია, რომელსაც სამედიცინო ენაზე არტერიული ჰიპერტენზია ჰქვია. ამ პრობლემას წლევანდლამდე სერიოზულ ყურადღებას არავინ აქცევდა, თუმცა ბოლო დროს განვითარებულმა მოვლენებმა - სიკვდილიანობის მაღალმა მაჩვენებელმა და გამომწვევმა მიზეზებმა - აიძულა მოსახლეობაც, სამთავრობო თუ არასამთავრობო სექტორიც, უფრო ქმედითი ნაბიჯები გადაედგა.

დინამომ დუბლი შეასრულა
დინამომ დუბლი შეასრულა

საქართველოს დავით ყიფიანის სახელობის თასს თბილისის “დინამო” დაეუფლა. დუშან უჰრინის გაწვრთნილმა გუნდმა მიხეილ მესხის სახელობის სტადიონზე გამართულ ფინალში საჩხერის “ჩიხურა” დაამარცხა და სეზონი ოქროს დუბლით დააგვირგვინა. უგოლოდ დასრულებულ პირველ ტაიმში ანგარიშის გახსნის ყველაზე რეალური შანსი დინამოელთა ბომბარდირ ჩისკოს მიეცა, მაგრამ თერთმეტმეტრიანი “ჩიხურას” მეკარემ, გიორგი სომხიშვილმა არ გაატანინა.

ტერაქტი ლონდონში
ტერაქტი ლონდონში

ბრიტანეთის ხელისუფლება არ გამორიცხავს, რომ ლონდონში განხორციელებული თავდასხმა ტერორისტული აქტი ყოფილიყო. სამხედრო მოსამსახურეს ორი შეიარაღებული პირი თავს ყაზარმასთან დაესხა და დანებით სასიკვდილო ჭრილობები მიაყენა. თვითმხილველთა მტკიცებით, თავდამსხმელები მსხვერპლს თავს “ალაჰ აკბარის” ძახილით დაესხნენ და სასტიკად გაუსწორდნენ. შემთხვევის ადგილზე მისულმა პოლიციამ მათ ცეცხლი გაუხსნა.

გია ხუხაშვილი: ბოკერია  ფიქრობს იმ მაშველ ნავზე, რომლითაც „ჩაძირული გემი“ უნდა დატოვოს
გია ხუხაშვილი: ბოკერია ფიქრობს იმ მაშველ ნავზე, რომლითაც „ჩაძირული გემი“ უნდა დატოვოს

"ჩერგოლეიშვილი ემოციური ქალბატონია და ბოკერიასგან განსხვავებით, მისი გულწრფელობის მჯერა. არ მგონია, ეს განაცხადი პოლიტიკურად ყოფილიყო დაგეგმილი.ეს უფრო ემოციური განაცხადია. ბოკერია კი სხვანაირად ითვლის სვლებს. მეუღლის შეფასებები არ იქნება მნიშვნელოვანი ბოკერიას გადაწყვეტილებებში, თუმცა ის, რომ ბოკერიაც ფიქრობს იმ მაშველ ნავზე, რომლითაც „ჩაძირული გემი“ უნდა დატოვოს , ეს ფაქტია. ის ისევე ფიქრობს გამოსავალზე, როგორც „ნაციონალური მოძრაობის“ სხვა წევრები და უფრო მეტიც, თავად კაპიტანი, (სააკაშვილის სახით) ცდილობს ამ გემის დატოვებას და ამაში გასაკვირი არაფერია."

სოხუმი სააკაშვილის განცხადებას უარყოფს
სოხუმი სააკაშვილის განცხადებას უარყოფს

ვანუატუს აფხაზეთის აღიარება უკან არ წაუღია. ამის შესახებ დეფაქტო რესპუბლიკის საგარეო საქმეთა მინისტრის მოადგილემ ირაკლი ხინტბამ განაცხადა. მისივე მტკიცებით, საქართველოს პრეზიდენტის განცხადება იმის შესახებ, თითქოსდა და კუნძულოვანმა სახელმწიფომ გადაწყვეტილება შეცვალა, სააკაშვილისვე ფანტაზიის ნაყოფია.

"მოსამართლე, რომელიც არ გაითვალისწინებს საზოგადოების მოთხოვნას, მოსამართლის თანამდებობას დატოვებს"
"მოსამართლე, რომელიც არ გაითვალისწინებს საზოგადოების მოთხოვნას, მოსამართლის თანამდებობას დატოვებს"

დღეს ქუთაისის საქალაქო სასამართლოსთან პარალელურ რეჟიმში ორი აქცია მიმდინარეობდა. ერთი აქციის მოთხოვნა დაკავებული პირების ვანო მერაბიშვილისა და ზურაბ ჭიაბერაშვილის სტატუსის გაუთვალიწინებლად პასუხისგებაში მიცემა იყო, ხოლო მეორე ნაწილი მიმდინარე მოვლენების პოლიტიკური მოტივით ხსნიდა და დაკავებულების გათავისუფლებას ითხოვდა. ქვეყანაში მიმდინარე პოლიტიკური პროცესების განვითარების ტენდენციებზე sazogadoeba.ge-სთან ექსპერტი სოსო ცისკარიშვილი საუბრობს.

ორლანდოში ცარნაევების მეგობარი მოკლეს
ორლანდოში ცარნაევების მეგობარი მოკლეს

ფლორიდაში ცარნაევების მეგობარი მოკლეს. 27 წლის იბრაჰიმ ტოდაშევი მას შემდეგ იქნა ლიკვიდირებული, რაც გამოძიების ფედერალური ბიუროს თანამშრომლებს დაესხა თავს. ახალგაზრდა ჩეჩენი ბოსტონის ტერაქტებთან დაკავშირებით რამდენჯერმე დაკითხეს, რადგანაც მას თამერლენ ცარნაევთან ახლო მეგობრობა აკავშირებდა. გავრცელებული ინფორმაციით, ტერაქტის დღეს ის სპეციალურად ბოსტონში ჩავიდა და ტერორისტს პირადად შეხვდა. ძმებმა თამერლენ და ჯოხარ ცარნაევებმა მასშტაბური ტერორისტული აქტი 15 აპრილს განახორციელეს, რასაც 3 ადამიანი ემსხვერპლა. 1999 აპრილს მათ დასაკავებლად მასშტაბური სპეცოპერეცია განხორციელდა. თამერლენ ცარნაევი ადგილზე იქნა ლიკვიდირებული, 19 წლის ჯოხარი კი მძიმედ დაიჭრა.