საზოგადოება
ფეხბურთის ფედერაცია ქართველი მსაჯის, ილია ტუღუშის გარდაცვალებასთან დაკავშირებით განცხადებას ავრცელებს
ფეხბურთის ფედერაცია ქართველი მსაჯის, ილია ტუღუშის გარდაცვალებასთან დაკავშირებით განცხადებას ავრცელებს

საქართველოს ფეხბურთის ფედერაცია ქართველი მსაჯის, ილია ტუღუშის გარდაცვალებასთან დაკავშირებით განცხადებას ავრცელებს.

“მოგეხსენებათ, 6 დეკემბერს გავრცელდა ინფორმაცია ქართველი მსაჯის - ილია ტუღუშის ტრაგიკული გარდაცვალების შესახებ. ილია ტუღუში 10 წელზე მეტი ხნის განმავლობაში მსაჯობდა საქართველოს ჩემპიონატის ასაკობრივ პირველობებსა და სხვადასხვა ლიგებს.
 
საქართველოს ფეხბურთის ფედერაცია  კიდევ ერთხელ, ღრმა მწუხარებას გამოთქვამს აღნიშნულის გამო და უსამძიმრებს დაღუპულის ოჯახის წევრებს, მეგობრებს, ახლობლებსა და სრულიად საფეხბურთო სამყაროს.

გვსურს, მკაფიოდ დავაფიქსიროთ, რომ საქართველოს ფეხბურთის ფედერაცია გამოთქვამს სრულ მზადყოფნას, საჭიროების შემთხვევაში, აღნიშნულ ფაქტზე ითანამშრომლოს სამართალდამცავ უწყებებთან და ამასთან, ვიმედოვნებთ, რომ ეს შემთხვევა უმოკლეს ვადაში იქნება გამოძიებული” - ნათქვამია ფეხბურთის ფედერაციის მიერ გავრცელებულ განცხადებაში.

მალთაყვაში, ზღვის პირას მდებარე ნაძვნარში, ფეხბურთის მსაჯი ილო ტუღუში გარდაცვლილი გუშინ იპოვეს.

მომხდართან დაკავშირებით გამოძიება 115-ე მუხლით მიმდინარეობს, რაც თვითმკვლელობამდე მიყვანას გულისხმობს.